Mr. Brooks

Þessi mynd kom mér virkilega á óvart. Söguþráðurinn var virkilega spennandi og mikið um "twist" í henni.

Myndatakan var virkilega skemmtileg, sérstaklega þegar hinn ímyndaði vinur Costners birtist . Þó var hún ekkert svaðalega frumleg en notaði bara gömul og góð gildi.  Ekkert er hægt að setja út á leik neinna í myndinni, þó er áhugamaðurinn (þið vitið hvað ég tala um þegar þið hafið séð myndina) hálf kjánalegur en hin koma þessu vel frá sér. 

Eitt magnaðasta atriði sem ég hef nokkurn tíman séð er eitt drápið undir lok myndarinnar og var það næstum þvi fallegt ! Kannski er ég svona sjúkur en það var bara eitthvað við atriðið sem mér fannst æðislegt.

Mæli virkilega með þessari mynd og Kevin Costner er kominn aftur

The Leprechaun 4 - Búagull

Geðveikt!

 Við kláruðum stuttmyndina í gær. Handritið var nú af frekar skornum skammti svo að samræður eru ekkert ýkja miklar (ef þær finnast yfir höfuð) En af einhverjum völdum náðum við að skríða yfir 2mínútna markið, sem var lágmark, og nálguðumst 3 mínúturnar

 Tæknilega hliðin var fyrir ofan garð og neðan. Við stein gleymdum að "taka hvítt" og þegar við áttuðum okkur á því föttuðum við að enginn okkar kunni það. Taka vel eftir í tímum einhver. Tíminn var heldur ekkert mikið með okkur því loka atriðið var utan dyra og þá var orðið það dimmt að síðasta skotið sást varla þrátt fyrir minn magnaða síma með vasaljósi

 Það tókst furðu vel að "dubba" setja inn tónlistina og önnur hljóð og vorum við virkilega ánægðir með útkomuna.

Við fengum til liðs við okkur hann Steinar úr A eða B bekknum og gerði hann galdra sem Búálfurinn. Hann lifði sig algjörlega inn í hlutverkið, og virtist hafa virkilega gaman af. 

Næst þegar við tökum upp kvikmynd verðum við að vera búnir að gera betri plön en ekki bara nokkurn veginn og helst láta einn mann vera leikstjórann því allir hafa jú mismunandi skoðanir og hægir það gríðarlega á öllu ferlinu. Þetta var samt virkilega gaman

Bourne Ultimatum

Hér fylgjumst við enn og aftur með Jason Bourne í baráttu sinni fyrir því að vera látinn í friði og vita hver hann er í raun og veru. Einkennist mynd af endalausum eltingjaleikjum og ofsafenginni kvikmyndatöku, MTV myndataka á sterum. Lá við að mér yrði bara óglatt af öllum látunum, allaveganna þannig að ég vissi lítið á köflum hvað væri í gangi.

Hins vegar þótti mér sagan hin fínasta, klassískt CIA leynimakk og bardagar á milli vel þjálfaðra leigumorðingja sem spurja ekki afhverju heldur gera hlutina bara.

Ekki kæmi mér á óvart þó CIA eða herinn væri einmitt með verkefni í gangi sem er nákvæmlega svona, þjálfa upp hugsunarlausar drápsvélar sem vinna öll skítverkin.

 Ef ekki hefði verið fyrir þessa rosalega hröðu myndtöku hefði myndin verið frábær en er bara temmileg skemmtun.

American Movie

Í þessari heimildarmynd fylgjumst við með kvikmyndagarðamanninum Mark Borchardt í baráttu sinni við að klára mynd sem hefur verið í mörg ár í framleiðslu. Hann neyðist til að stöðva það ferli og klára aðra stuttmynd sem er komin lengra á veg til að geta fjármagnað hina myndina sem á að vera í fullri lengd.

 Ótrúlegt er að sjá hvað Mark lætur ekki deigan síga þrátt fyrir að hann sé bókstaflega á hausnum, tíminn á móti honum og fáir hafi trú á því að honum takist ætlunarverk sitt.

Undirritaður hélt lengi vel að þetta væri leikin heimildarmynd því ekki bjóst ég við að svona skrítið fólk væri í raun til. Það gæti jafnframt verið ástæðan fyrir að leikstjóri þessarar myndar ákvað að fylgjast með Mark og félögum.

Á heildina litið var mynd nokkuð áhugasöm en hæg. Fékk maður þó ágæta innsýn í líf hins "venjulega" kvikmyndagerðarmanns og þau öfl sem vinna á móti.

Erik the Viking

Jæja, hvað skal segja um þessa mynd.

Fyrst má nefna að hún er jú orðin 18 ára gömul og þar sem að þetta er ævintýramynd eru tæknibrellurnar ekki upp á marga fiska í dag en hafa verið furðu góðir á sínum tíma. Sæskrímsli norðursins er einkar illa gert en hins vegar öll módel sem notuð voru frekar vel gerð. 

Ekki er hægt að setja mikið út á leikhæfileika leikaranna því öll hlutverkin áttu að vera stöðluð og jafnvel mjög asnaleg og komst það vel til skila.  Aðalleikarar myndarinnar voru Tim Robins (Erik) og John Cleese (Halfdan the Black, vondi karlinn). Annað minna, en þó ekki mikilvægari, var Tim McInnerny (Sven the Berserk) og fór hann á kostum .

Söguþráðurinn er í stuttu máli að Erik er orðinn leiður á lífi sínu sem snýst einungis út á að ræna, rupla og nauðga. Hann fer því á stúfanna og hittir Freyju sem segir honum frá því að hann lifi á öld ragnarakar þar sem sverðin tala. Ef hann vilji að mannkynið lyfi af verði hann að fara og finna risa horn/lúður og vekja æsina upp svo þeir geti hrakið fenrisúlfinn í burtu og ró kæmist yfir heiminn á ný. Leggur hann því af stað með fríðu föruneyti og lenda þeir í hinum ýmsum hrakningum á leið sinni og mörgum hverjum frekar spaugilegum.

Sagan minnir margt á Ódysseifskviðu, enda blandast grísk goðafræði inn í söguþráðinn, en þrátt fyrir þetta lán og aulahúmor er þetta fyrirtaks mynd sem henntar vel að sjá ef þér og strákunum leiðist eitt fimmtudags/föstudagskvöld.

Astrópía - Framhald

Hóhó og Híhí

 Gunnar B. Guðmundsson leikstjóri Astrópíu heimsótti okkur í tíma í dag. Hann fór með okkur í gegnum langa ferlið að baki einni mynd, 6 ár í þessu tilfelli

Komumst við að raun um að starf leikstjóra er langt því frá að vera einfalt en aftur á móti mjög gefandi ef vel heppnast, sem það gerði í þessu tilfelli. Huga þarf að öllu, allt frá veðurfari og búningahönnun,  til ráðningu leikara og tæknibrellna.

 Eitt það magnaðasta var hversu stuttan tíma tók og lítin pening þessi mynd var gerð með. Einungistók 30 daga að taka myndina og kostaði hún 100 milljónir meðan til að mynda Mýrin kostaði 160 milljónir og er þetta merkilegast í ljósi þess að Astrópía er ævintýramynd með bardaga atriðium og hasar en Mýrin notaðist við hið daglega líf.

Það var virkilega gaman að fá hann Gunnar til okkar í spjall og vonast ég til að honum gangi vel í framtíðinni og komi með fleiri álíka myndir. 

Astrópía

Hóhó

Nú er maður nýkominn af Astrópíu og ég get ekki annað sagt en að ég er frekar hrifinn.

Söguþráður myndarinnar er einstaklega skemmtilegur og frumlegur en þó að vissuleiti fyrirsjáanlegur. Mér fannst samband aðalpersónunnar og nördavinar hennar frekar slappt en get þó ekki gert það upp við mig hvort það var leikur eða handrit sem olli því. Flestir aðrir leikarar skiluðu sínu mjög vel frá sér og má þá sérstaklega nefna Stein Árman Magnússon og Davíð Þór Jónsson. Einnig voru strákarnir í búðinni ágætir.

Eitt sem ég tók eftir var val á staðsetningu og virtist Hafnarfjörður eða nágrenni vera í nær öllum tökunum. Ég skil leikstjórann mæta vel enda er Hafnarfjörður fallegasti bær landsins  (Gaflari að tala)

Einhverjir skemmtilegustu kaflar myndarinnar voru þegar söguhetjurnar okkar brugðu sér yfir í hinn ímyndaða heim. Var það einkar vel gert og flottar tækni brellur.... þó voru búningar "skrímslanna" frekar kjánalegar oft á tíðum enda ekki að furða þegar engir Hollywood peningar eru flæðandi.

Það voru hinir ýmsu brandarar út um alla mynd og höfðu handritshöfundar greinilega gert ágætis rannsóknarvinnu fyrir myndina til að ná þessum "nörda"heimi. Undirritaður hefur augljóslega meiri þekkingu á þessum heimi en meðal maður því það gerðist nokkrum sinnum að einungis ég og kannski einhver gaur í hinum endanum skelltum upp úr

 

Yfir heildina var Astrópía mjög góð mynd með litlum smágöllum sem skemmdu ekki heildarsýnina. Ekki finnst mér vitlaust að gefa Astrópíu 4,5 stjörnur af 5