Why We Fight (2005)

Afhverju eru Bandaríkin svona sterk? Afhverju eru Bandaríkin úti um allan heim að berjast í öðrum heimsálfum ?

Það er alveg ótrúlega gaman að horfa á mynd og vita nær ekkert um hana. Hún byrjaði nokkuð hlutlaust. Þau tóku viðtöl við fólk sem er með og á móti stíði. Þau fóru svo í gegnum hernaðarsögu Bandaríkjanna síðustu 50 árin og hvernig umfangið hefur aukist alveg gífurlega. Myndin færði sig svo hægt og rólega yfir á móti vænginn enda er ekki annað hægt eftir allar upplýsingarnar.

Myndin er alveg virkilega vel gerð.  Hvernig myndin sagði frá herðnarasögunni var alveg snilldarlega gert, flott hvernig aðvaranir Eisenhowers urðu svo að veruleika. Það er eignilega óhugnanlegt hvernig Bandaríkjastjórn hefur náð að 'plata' almenning á sitt band svo hún geti skellt sér í nýja styrjöld. Taka þau Írak sem dæmi en flestir héldu , eða áttu að halda, að ráðist hefði verið inn í Írak vegna tengsla við 9/11 en svo skeit hann Bush yngri á sig þegar hann viðurkenndi að Saddam hefði ekkert tengst því ! Bandaríkjastjórn, samkvæmt myndinni, hefur í raun logið að almenningi og heiminum síðustu 50 ár eða svo einungis til að halda velli sínum sem mesta veldi heims... þeir verða að hafa aðgang að auðlindum til að geta haldið hernaðarmaskínunni gangandi og núna síðast Olíunni í Írak, næst stærstu olíulindir heimsins. Það var einnig svo rangt að sjá Donald Rumsfeld taka í höndina á Saddam fyrir um 23 árum síðan svo hann gæti barist á móti Íran en Íranir höfðu einmitt ætlað að taka meiri hlutdeild í olíunni til Breta ! Þetta er svo klikkað að það gæti gengið...

Viðtölin í myndinni eru nokkuð mögnuð. Taka þeir t.d. viðtal við flugmennina sem vörpuðu fyrstu sprengjunum í Íraksstríðinu, aðeins óbreyttir borgarar létust þar vegna lélegra upplýsinga. Þeir voru náttúrulega bara að gera vinnuna sína og er ekki borgað til að hugsa en þegar maður sér ættingja þeirra sem dóu í árásinni getur maður ekki verið annað en frekar reiður/fúll/sár út í þá sem skipuðu árásina. Tekin voru líka nokkur viðtöl við fólk sem vinnur við vopnaframleiðslu. Þau reyna að sjálfsögðu öll að réttlæt starf sitt. Þó var ein sem sagðist hugsa af og til um hvort þessar sprengjunar sem hún sér í sjónvarpinu hafi verið sprengjurnar sem hún setti saman... Stærsta viðtalið var þó við fyrrverandi hermann úr Vietnam sem hafði misst son sinn í árásinni 11. september. Það var nokkuð merkilegt hvernig hann tók sorginni og vildi ná fram hefndum með því að rita nafn sonar síns á sprengju sem var svo varpað í Írak. 

Myndin er full af alveg sjokkerandi hlutum og maður myndi ætla að hún væri eitthvað í líkingu við myndina hans Michael Moors, Fahrenheit 9/11. Vissulega eru tekin svipuð dæmi um hvernig Bandaríkjastjórn hefur villt um fyrir almenningi í gegnum árin en málið er að þessi mynd er á einhvern hátt betri... Hún leyfir manni að kynnast báðum hliðum.

Athugasemdir

[Siggi Palli (IP-tala skráð) 11.4.2008 kl. 22:21]

Flott færsla. 7 stig. 

Ég hafði heyrt af þessari, en þessi lýsing vekur virkilegan áhuga hjá mér.

Það er skemmtileg kaldhæðni að kalla þessa mynd Why We Fight, en röð heimildar/áróðursmynda sem Bandaríkjamenn gerðu í seinni heimsstyrjöld hétu einmitt þetta (og gengu að mestu út á það hvað andstæðingurinn var illur og ólýðræðislegur).

Það væri líka áhugavert að sjá viðtalið við þessa flugmenn sem vörpuðu fyrstu sprengjunum. Minnir mig líka á geðsjúklinginn sem varpaði fyrstu atómsprengjunni á Hiroshima - hann sagðist aldrei hafa séð eftir neinu og dó ekki fyrir alls löngu. Ég held það hafi verið gerð heimildarmynd um hann, en ég þori ekki að fara með það.

[Siggi Palli (IP-tala skráð) 11.4.2008 kl. 22:22]

Þú ert þá kominn með 95 stig á vorönn.