No Country for old Men (2007)

Ég lendi oft í þeim vanda að vonast eftir svo miklu frá myndum. Síðan loksins þegar ég sé þær eru þær bara ekki jafn góðar og ég hafði vonað. Þar af leiðandi vil ég helst ekki vita neitt um þær myndir sem ég sé. Vil helst ekki sjá neina trailera og ekki lesa umfjallanir af neinu tagi.

Fyrir um 3 mánuðum síðan sýndi vinur minn mér trailerinn af no Country for old Men. Frá þeirri stundu gat ég varla beðið eftir að sjá myndina en á sama tíma var ég frekar hræddur um að ég væri að lenda í sama pyttinum og oft áður. Því bar ég í brjósti mér blendnar tilfinningar þegar ég fór inn í sal 1 í Álfabakka áðan. Verður hún jafn góð og ég er búinn að vona eða verður þetta eitthvað annað og jafnvel verra ?.....................Þetta var eitthvað annað.................. þetta var bara of geggjað til að lýsa. Eftir að ég labbaði út úr salnum gat ég bara sagt "snilld !"

Allt við þessa mynd var bara of fullkomið. Sagan er náttúrulega of frábær. Þetta er kannski ekki það frumlegasta í heimi heldur var það frekar hvernig þeir bræður útfærðu hana. Öll samtöl pössuðu bara einhvern veginn alveg inn og gerðu svona frekar þungt en aflmikið andrúmsloft. Oft sá ég ekki í raun tilgang með hverju samtali en samt máttu þau vel heima þarna. Þau bara pössuðu!

Myndatakan er frekar flott. Allt skrjáfa þurrt í harðri eyðimörkinni. Myndina hefði svo sem verið hægt að taka upp einhversstaðar annarsstaðar en það hefði ekki komið jafn vel út. Ef myndin hefði verið tekin upp í Californíu eða einhverri stórborg hefði það ekki verið það sama. Það hefði kannski gengið að taka hana upp á svipuðum stað og Fargo. Það hefði þó alltaf vantað þetta erfiða, harða en fallega umhverfi.

Allir karakterar myndarinnar voru frábærir. Tommy Lee Jones stendur alltaf fyrir sínu, reyndar alltaf sami karakterinn í bara aðeins mismunandi skyrtum. Josh Brohlin sem Llewelyn Moss stóð sig alveg með prýði og jafnvel Woody Harrelson var bara góður. Hins vegar kæmi mér á óvart ef Javier Barden yrði ekki tilnefndur til Óskarsverðlaunanna fyrir leik sinn sem hinn snar geðveiki Anton Chigurh. Þetta er klárlega sá allra geggjaðasti og siðlausasti karakter sem ég hef nokkurn tíman séð á hvíta tjaldinu.

Í heild er þetta ein sú besta mynd sem ég hef séð.... punktur 

Athugasemdir

[Guðríður Pétursdóttir, 11.2.2008 kl. 08:04]

"alltaf sami karakterinn í bara aðeins mismunandi skyrtum" Þetta fannst mér fyndið

en ég er coen bræðra aðdáandi, þó svo ég hafi alls ekki séð allr mynirnar þeirra.. er að pæla í að taka coen bræðra maraþon einhverja helgina og ná að klára þær myndir sem ég á eftir að sjá..

Er líka búin að redda mér þessari mynd og hlakka mikið til að horfa á hana...

[Einar S. (IP-tala skráð) 11.2.2008 kl. 19:09]

Javier Bardem er tilnefndur fyrir besta leik í aukahlutverki. Og réttilega!

Gefur Hannibal Lecter lítið eftir í geðveiki og almennum svalheitum.

[Einar (IP-tala skráð) 13.2.2008 kl. 05:29]

Frábær mynd. Enda eru handritin sem þessir bræður gera alveg ótrúleg. Ég verð samt að segja að handritið við The Big Lebowski sé eitthvað það besta sem til er. Þeittleikinn er ....... ólýsanlegur? branded

En allvega. Get ekki beðið eftir því næsta sem þessir gæjar láta af sér.

[Siggi Palli (IP-tala skráð) 11.4.2008 kl. 21:55]

Tek undir það - snilldarmynd. 5 stig.

Byggð á skáldsögu eftir Cormack McCarthy, og óhætt að segja að hann og Coen bræður er ekki leiðinleg blanda. Annars er McCarthy ansi magnaður rithöfundur. Ég hef reyndar ekki lesið þessa bók, en þær sem ég hef lesið eru mjög góðar.

En það þarf auðvitað góða kvikmyndagerðarmenn til þess að fanga töfrana. Dæmi um hið andstæða er væntanlegt í bíó á næstu misserum - Ridley Scott er að gera mynd eftir Blood Meridian (hana hef ég séð), og ég er sannfærður um að hann eigi eftir að klúðra henni...

Raunar er John Hillcoat (sá sem gerði The Proposition, ástralska vestrann með Nick Cave) líka að gera mynd eftir sögu McCarthys, og það gæti orðið ansi skemmtileg blanda...